Kur nuk ka ende një dakordësi për draftin final të dekriminalizimit, në vendet ku ulen deputetët e Partisë Demokratike në Parlament, ka filluar një tjetër mbledhje, ku Oert Bylykbashi i lexon Sali Berishës, pikat e draftit.
Video është regjistruar nga deputeti Erion Braçe dhe është postuar në profilin e tij në fb
Aktualisht janë tre pika, të cilat e mbajnë peng dokumentin final.
Së pari është çështja se cili institucion do të bëjë verifikimin paraprak të formularëve të vetëdeklarimit që do të plotësojnë zyrtarët e lartë.
Së dyti është çështja e gjetjes së saktë të veprave penale të Kodit Penal shqiptar të cilat duhet të korrenspondojnë me dënimet që zyrtarët e lartë kanë marrë në shtetet e huaja.
Ndërsa çështja e tretë, ndoshta më e rëndësishme se dy të parat për Partinë Demokratike, është ajo e futjes për miratim e një ndryshimi të ligjit të dekriminalizimit, i njohur me emrin amendamenti “Anti Prenga”, që bën të mundur nxjerrjen jashtë Parlamentit menjëherë të Armando Prengës.
http://www.dailymotion.com/video/x3vtbk6_bylykbashi-i-lexon-berishes-pikat-e-marreveshjes_news
