Deputeti socialist ka folur në emisionin “5 Pyetje nga Babaramo” për kërcënimin që iu bë kandidatit për rektor në UT, Mynyr Konin nga Emiljano Shullazi.
“Unë nuk mund të them nëse ka sfond politik. Fakti që Policia ka vepruar dhe ka thirrur të dyshuarin do të thotë që diçka ka ndodhur. Është e kuptueshme se si krimi po hyn në Universitet ndërkohë që përpiqemi ta nxjerrim nga Parlamenti”, tha Blushi.
“Sidoqoftë, besoj që opinioni publik duhet të njihet me faktin nëse ka patur ose jo kërcënim dhe Policia duhet të zbardhë se pse një kriminel ndikon në një garë për rektorë të Universitetit publik. Çfarë interesash ka aty që ky person të ndërhyjë aty. Ministria duhet të reagonte të paktën”, vijoi Blushi.
Blushi: Dekriminalizimi dështoi, u bënë ndryshime që të shpëtonin disa
Deputeti socialist, Ben Blushi tha në emisionin “5 Pyetje nga Babaramo” se ligji për dekriminalizimin ka dështuar.
Ai tha se ndryshimet që iu bënë ligjit në fund u bënë me qëllimin që të mos kapë disa persona të caktuar.
“Ka katër muaj që është miratuar dhe ky ligj nuk po prek akoma askënd. Kjo është e padrejtë. Kur vjen puna te taksat, i vjelim para se të miratohet buxheti.
Po fusim njerëz në burg për 500 lekë, ndërkohë që dekriminalizimi nuk funksionon. Ai është ligj i personalizuar, po ashtu edhe reforma në drejtësi nuk ka për të bërë drejtësi”, tha Blushi.
