Kryetari i Partisë Demokratike Lulzim Basha publikuar një video në Facebook ku sqaron atë që ai e quan “Afera Rama-Veliaj e Kullave 200 milionë euro te Teatri Kombëtar”.
Në video paraqitet grafikisht në model planimetrie 3D, gjendja e pronësisë në truallin përreth Teatrit. Sipas Bashës, kompania FUSHA sh.p.k, e cila zotëron një pjesë të vogël të territorit ku parashikohet të ndërtohet kompleksi i ri që përfshin teatrin, fiton nga kjo “Aferë” të drejtën për të zhvilluar biznes në pronën publike.
Siç deklaroi në një status të mëparshëm, për kreun e opozitës “Debati për Teatrin është loja për të fshehur grabitjen 200 milionë euro.”
“Hajduti psiqik Rama nuk ka asnjë interes për teatër të ri pa kulla. Afera me Teatrin Kombëtar është për kullat e për të futur në xhep 200 mln euro, dhe jo për Teatrin, sepse për të nuk ka Teatër pa kulla” dhe fton qytetarët që të shohin videon që ka përshkrimin grafik të planit të ndërtimit të “6 kullave 200 milionë euro”. /Opinion.al
