Gjatë një bashkëbisedimi me banorët e Rëshenit, kryetari i Partisë Demokratike u tha se kryeministi Rama ka ndërtuar dy Shqipëri, një të mjerimit për qytetarët dhe tjetrën të luksit për qeveritarët. Basha i njohu me alternativën e demokatëve për punësimin.
Në Rrëshen këta banorë që i kanë dalë për ta takuar kryetarin e opozitës, Lulzim Basha, denoncuan faturat abuzive të energjisë elektrike, keqarsimimin e fëmijëve të tyre. Në materialin video të Partisë Demokratike problemi themelor pë të clin ankohen edhe në këtë zonë të vendit është papunësia.
Ish-mësues: Unë jam i larguar i penalizuar vetëm se kam denoncuar zyrën arsimore në Mirditë për aferat që kanë bë.
Basha: Çfarë denoncove?
Ish-mësues: Sot marrin mësues që japin Gjuhë-Letërsi pa arsim përkatës, jashtë profilit. Mësuesit që japin sot mësim abuzojnë me fëmijët me aftësi të kufizuara, që nuk ka qoftë edhe një dokument, nuk ekziston kund.
Fëmijët e fshatit Peshqesh bëjnë 14 km në këmbë për të shkuar në Reps. Shkolla është mbyllë në Shpal vetëm e vetëm për të mbajt një shkollë tjetër në këmbë edhe atyne fëmijëve iu thuhet rrinë edhe ke shpija ju se dëftesat dua ua japim, ju thonë.
Banorë: Për dritat i kam pague, i kam të vulosmë, i kam të firmosme. Thotë hajde paguaj prapë. Unë nuk i paguaj më, veç kur të më venë hekurat.
Tregtarë: Ne na kanë përdor për vota, tani na mbyllin edhe numrin e telefonit.
Tregtarë: Një familje sikur jam unë me pesë vetë, isha debitor 200 mijë lekë të vjetra. Fëmijët e mi as në kohën e komunizmit 50-vjet nuk kanë nejt në terr. Kanë shku me qira 20 ditë deri kur ia kam arrit që t’i marr borxh që të laj 200 mijë lekëshin.
Tregtarë: Kam qenë shitës mishi kam kalu roje mishi.
Banorë: Unë jam socialistë një herë, po ta kallëzoj. Jetoj vetë i pesti ke shpija me 65 mijë lekë të vjetra. Më kuptoni drejt, ça do të bëhet me këtë popull. Thash po jetoj unë familjarisht por janë shumë familje kështu që po jetojnë, se kështu është nëse doni me fol drejt.
Kreu demokrat u tha se ko është Shqipëria e mjerimit që ka krijuar Edi Rama për qytetarët, por sipas tij ka krijuar edhe shqipërinë tjetër të luksit për qeveritarët.
“Basha: Ja si i kanë ndërtuar dy Shqipëri. Një Shqipëri të vuajtjes, të mjerimit, të padrejtësisë, të arbitraritetit e të gjobave për shumicën dërrmuese të shqiptarëve, pa dallim demokrat dhe socialistë. Dhe një Shqipëri të oligarkëve si Koço Kokëdhima që del para gjykatës dhe thotë :“Po pse po më dënoni për vetëm 2 milionë lekë”. Po sigurisht se është mësuar Koço 2 milionë këtu, 20 milionë atje, 200 milionë këtu, Albpetrolin atje, Armon këtu, sarajet atje dhe i duket çudi që ligji mund ta kapë edhe për 2 milionë, ndërkohë që shqiptarët janë dergjur burgjeve edhe për 3 mijë lekë të reja”.
Për alternativën e demokratëve mbi punësimin Basha zhvilloi një bashkëbisedim të posaçëm me të rinj dhe banorë të Rreshenit. Është platforma e uljes së taksave, sigurisë juridike për investitorët dhe kthimit në ekonomi të 1 miliard eurove, që siasp tij sot përfundojnë në xhepat e qeveritarëve, janë garanci për krijimin e vendeve të reja të punës në vend.
“Basha: Po si mund të rritet ekonomia kur kapitali, investitorët kanë frikë të investojnë?! Sepse po të hapin një investim i pari do tu vijë taksidari, i dyti do të vijë zyrtari i korruptuar që do të kërkojë pjesën e vet për një licencë, për një leje, i treti do të vijë krimineli me mbështetje qeveritare që do të kërkojë gjobën me pistoletë në kokën e biznesmenit. Detyra numër një e qeverisjes së ardhshme të demokratëve do të jetë punësimi i rinisë shqiptare dhe për këtë ne do të bëjmë gjithçka”.
Për familjet në ndihmë ekonomike, Basha ritheksoi një tjetër hap të parashikuar në programin e Partisë Demokratike fatura e ujit dhe energji falas deri në 200 kë në muaj, por lehtësitë për kategori nëse vitin tjetër vijnë në pushtet nisin që në javën e parë të qeverisjes.
Kemi propozuar dhe do të ekzekutojmë që javën tonë të parë faljen e kamatëvonesave dhe borxheve të energjisë elektrike të pakonfirmuara, por përmes sistemit aforfe.
