Mjeku i familjes, doktor Gezim Bregu në qendrën shëndetësore nr.6 në Durrës, ka shpjeguar procedurën e rimbursimit 100% falas të barnave për qytetarët e infektuar me koronavirus që trajtohen në banesë.
Dr. Bregu shprehet se kur një pacient rezulton pozitiv me COVID-19 të gjitha kontaktet i mban me mjeku e familjes, i cili më pas kontakton me epidemiologun për të marrë të dhënat e pacientit.
Gjithashtu, dr.Bregu thotë se mjeku i familjes vlerëson stadin e sëmundjes bazuar në shenjat e shfaqura dhe gjeneron recetën me ilaçet përkatëse të cilat qytetarët i përfitojnë 100% me rimbursim dhe i tërheqin në famraci.
“Mjeku i familjes kontakton me epidemiologun merr të dhënat dhe referohet për tampon. Nëse tamponi del pozitiv ky pacient karantinohet në shtëpi dhe të gjitha kontaktet i mban me mjekun familjes. Këtu fillon ndjekja rigoroze e sëmundjes.
Në bazë të vendimit të qeverisë pacienti merr trajtimin me rimbursim të barnave me listën që është përcaktuar. Mjeku i familjes përcakton gjendjen e të sëmurit dhe e ndan atë sipas formave të sëmundjes dhe pacienti trajtohet falas.
Proceduara për dhënien me rimbursim të barnave të grupit të pacientëve që janë me Covid është e njëjta procedurë që bëhet dhe për rimbursimin e barnave të tjera. Për të marrë recetën me rimbursim ku janë barnat, është kodi 1009, 1010 për Covid stadi i parë, Covid stadi i dytë… dhe pastaj rigjenerohet receta me ilaçet përkatëse”, sqaroi mjeku i familjes Gëzim Bregu.
