Taulant Balla, deputet i maxhorancës i është kundërvënë sulmit të opozitës sipas të cilët narkotrafikantët janë të lidhur me drogën, duke iu referuar rastit Balili.
Strazimiri: “Nëse linjat e transportit të narkotikëve e shikojnë Shqipërinë një vend të sigurtë për trafik droge, atëherë nuk është punë drejtori qarku por është edhe më lart se kaq. Ke në tre vite, dy laboratore kokaine dhe asnjë të kapur.”
Balla: “Me që e kishim këtë çështje duhet thënë që ky është një operacion i gjerë i policisë shqiptare, greke dhe më gjerë, por meqënse këtu parafolësit i bënë një historik ketij grupi kriminal, më zuri veshi diçka. Unë dyshoj që është aktivitet kriminal, por nëse janë të përfshirë në djall vafshin. Në 2006 u tha që ku zotëria është arrestuar me një grup kriminal bashkë më dy punonjës policië të cilët bënin transportin e drogës për këtë elementin. Në 2006 unë kam qenë deputet i opozitës. Po të kishte ndodh kjo tani këta do kishin dalë dhe do kishin thënë Saimir Tahiri. Unë nuk kam dalë që të them që Sokol Olldashi në atë kohë bashkë me punonjës të policisë po transportonin drogë. Tani e vërteta është që ka shumë shqiptarë jashtë Shqipërisë edhe brenda Shqipërisë që i vazhdojnë veprimtaritë kriminale dhe s’kemi thënë asnjë herë që aktivitetet kriminale kanë pushuar. Po ja një element që ka pasur lidhje me drogën në vitin 2006 po s’ka thënë kush që trafikun e drejtonte Sali Berisha”
