Dhuna e ushtruar prej kohësh nga Administratorja Anjeza Shabani ndaj 3vjeçarit në kopështin privat “Diren”, ka lënë pasoja të rënda tek fëmija i mitur.
Vetëm një ditë pas videos së regjistruar në ambientin e kopështit nga kamerat e “STOP”, babai i djalit 3vjeçar e ka filmuar atë teksa trembet natën në gjumë. Në një moment tjetër, po në një video që babi i ka bërë, fëmija kalon në momente acarimi duke ulëritur dhe duke i rënë kokës me grushtet e tij.
Në një intervistë të dytë për mikrofonin e “STOP”, babai i vogëlushit shprehet i shokuar për pamjet e transmetuara dhe dhunën që ka përjetuar i biri në këtë kopësht. Por, gjithashtu ai është shprehur se në atë kopësht është ushtruar dhunë edhe më përpara dhe jo vetëm ndaj djalit të tij. Ai pohon se dhe shumë fëmijëve të tjerë kanë qenë viktima të kësaj dhune.
http://www.dailymotion.com/video/x4hoopx_babai-i-djalit_news#tab_embed
