Një drejtues i linjës urbane të kryeqytetit ka aksidentuar pasditen e së shtunës një këmbësor në zonën e quajtur “Xhamlliku”. Burime nga policia bëjnë më dije se ka mbetur i plagosur një i moshuar, i cili është dërguar në spital dhe është jashtë rrezikut për jetën.
Dëshmitarë nga vendngjarja kanë dërguar në rubrikën “Kallëzo” të tvklan.al pamje nga aksidenti ku mbeti i plagosur i moshuari. Sikurse duket edhe në video i moshuar është shtrirë në tokë dhe qytetarët i kanë dhënë ndihmën e parë.
Nuk bëhet ende i ditur emri i të moshuarit të aksidentuar. Policia ka shoqëruar në komisariat drejtuesin e autobusit të linjës së Porcelanit./tvklan.al
