Audi për panairin e sivjetmë të veturave në Los Anxhelos ka paralajmëruar premierën e serisë së veçantë të modelit të saj sportiv R8 V10 Plus, i cili ndër të tjera vjen me dritat e përparme lazerike.
Emri i kësaj serie të veçantë është Audi R8 V10 Plus Exclusive Edition dhe do të jetë e kufizuar në vetëm 25 njësi, me çmim prej rreth 230 mijë dollarë, transmeton Koha.net.
Ky R8 standard vjen me eksterier ngjyrë gri Quantum, set të rrotave “Y Design” me diametër prej 20-inç, vrima për ajër në pjesët anësore të bëra nga fibra të karbonit, disa detaje me ngjyrë portokalli, interier prej lëkure Alcantara, etj.
