Kristjan Asllani nuk është vetëm njeriu assist tek Interi i Simone Inzaghit që marshon me hap galopant drejt titullit kampion në Seria A dhe yllit të dytë në fanellë.
Pas pasimit perfket për Lautaro Martinez në golin e parë të zikaltërve kundër Leçës, djaloshi nga Elbasani po shkëlqen në sfidën kundër Xhenovas.
Asllani realizoi golin e parë për Interin duke zhbllokuar takimin në minutën e 29-të. Me anë të një gjuajtje të fortë, ai shfrytëzoi asistin e kapitenit argjentinas për të mposhtur portierin e Xhenovas.
Mesfushori kuqezi duket se ka fituar besimin e plotë të trajnerit, pasi po luan ndeshjen e tij të tretë radhazi si titullar, duke shkëlqyer në fushë dhe zëvendësuar më së miri të dëmtuarin Çalhanoglu.
Për 21-vjeçarin, goli i shënuar sot mbart vlerë të veçantë, pasi është edhe i pari me fanellën e Interit në një ndeshje zyrtare.
