Futbollisti i Kombëtares së Shqipërisë, Shkëlzen Gashi viojn suksesshëm avneturën e tij në MLS në Amerikë, teksa me skuadrën e tij Colorado Rapids, ka regjistruar sot fitoren e pestë në tetë ndeshje të zhivlluara, për të mbajtur vendin e dytë në Konferencën e Perëndimit, me 17 pikë, vetëm një më pak se Dallas që ka një ndeshje më shumë. Colorado Rapids me Gashin titullar ka fituar sot me rezultatin 3-1 takimin me Seatle Sounders.
Një ndeshje në të cilën Shkëlzen Gashi dha asistin e golit të pare, por nga ana tjetër humbi edhe një 11 metërsh. Në minutën e 20-të, falë një krosimi perfekt i ish-futbollistit të Baselit nga një goditje standarte, për të gjetur Jermain Jones, i cili në goditje me kokë dërgoi topin në rrjetë për të realizuar golin e avantazhit për Coloradon. Por, Gashi, në një ditë perfekte, në formë të shkëlqyer, ka dështuar në minutën e 67’ kur nga pika e bardhë e penalltisë ka humbur duelin me portierin kundërshtar, për të shpërdoruar shansin që të çonte shifrat në 3-1. Pavarësisht penalltisë së shpërdoruar, Gashi mori vlerësimin më të larë mes lojtarëve të Colorados, plot 7.9.
