Politikë
Blushi nuk e mohon krijimin e një force të re politike
“Shqipëria po kërkon alternativë të re”
23 prill 2016 15:07
Ben Blushi zyrtarisht jasht kryesisë së Partisë Socialiste, deklaron se nuk priste të ishte në atë që e quajti lavatriçe e mediokritetit të Rilindjes. Blushi kritikoi dhe Ruçin që legjitimoi mungesën e garës me kandidatë dhe mospërfshirjes në procedurë të rezolutës për hapjen e kutive të referendumit. Blushi nuk e mohoi krijimin prej tij ët nëj force të re politike.
Edi Rama nuk e propozoi më Ben Blushin anëtar të kryesisë së Partisë Socialiste. Por anëtarë të saj nuk do të jenë më as Arta Dade e cila u tërhoq nga lista e 12 grave për 7 vende dhe as Namik Dokle nga lista prej 18 burrash 13 vende.
Refuzimi i zonjës Dades vjen në shenjë proteste me mënyrën e drejtimit të partisë dhe ato që kanë ndodhur së fundmi në gjirin e socialistëve. Ndërsa refuzimi i zotit Dokle u artikulua në emër të prurjeve të reja. “Kam një gjithë jetën në parti. Dua t’ia le vendin të rinjve, mësohet të jetë shprehur ai.
Gjithë jetën në parti ka edhe Gramoz Ruçi, por ai do të vazhdojë të jetë numri i dy i saj pas asnjë diskutim
Dhe Ben Blushi kësaj here nuk kursehet as ndaj Ruçit, pasi legjetimoi, sipas tij, shkeljen e procedurës duke mos futur rezolutën e tyre për hapjen e kutive të referendunmit, si dhe zgjedhjet pa garë për sekretariat.
Vetë Blushi thotë se as nuk e priste dhe as nuk e kishte ambicie zgjedhjen anëtar kryesie, për të cilën ka një epitet të posaçëm
Ai akuzoi anëtarët e rinj në kryesi e sekretariat si autorë në krim të manipulimit të referendumit dhe të valës së sulmeve ndaj tij në këmbim të postit në parti. Përfrshirja e Kokëdhimës në sekretarit nuk kalon pa ironinë e tij.
Në rrethana të tilla ajo çfarë Ben Blushi nuk e përjashton është krijimi i një partie tjetër
Sipas Blushit as Partia Socialiste dhe as Partia Demokratiek nuk janë alternativa që meritojnë shqiptarët.
