Më në fund ka një fytyrë pirati i rrugës që mbrëmjen e 8 marsit, shtypi në Cremona një vajzë shqiptare 25 vjeçare, të quajtur Besarta Beqiraj, e cila vdiq 48 orë më pas në spitalin e Bergamos ku u transportua pas plagëve të rënda të marra.
E. N, kremonez, 61 vjeç, familjar, u arrestua pas një hetimi nga Polstrada e cila arriti te ai pas investigimeve të bëra në këto 13 ditë dhe një fletë të Fiatit të tij Punto të gjetur në asfalt pas aksidentit.
Burri në vend që të ndalonte, ia kishte mbathur drejt Lodit. Një ditë më pas ka denoncuar vjedhjen e veturës.
Ndërsa tani duhet të përgjigjet për vrasje dhe lëndime të qëllimshme.
Atë natë gruaja e re, e cila qëndronte prej disa muajsh për vizitë te një i afërm që jeton në Cremona, po shëtiste përgjatë rrugës Europa, në lagjien e Ombrianos, në shoqërinë e bashkëshortit, kur u mor përpara nga një makinë që vinte pas shpatullave të saj.
