Video/ Armina flet si biznesmene. A e ndihmoi Shkëlzeni?

Bukuroshja e njohur e ekranit dhe modës e ftuar tek ‘Oktapod’ në Vizion Plus, ndan me publikun sfidën se si ka mundur të ngrejë biznesin e vet dhe lidhjen e ngushtë më familjen Berisha. Por, në këtë rrëfim nuk mundi të shpëtoj edhe nga pyetjet e moderatorit Turjan Hyska, i cili këmbënguli t’i nxirrte ndonjë lajm në lidhje me martesën. “Ne jemi drejt atyre hapave, përderisa ne po jetojmë bashkë, por për momentin nuk kemi në plan martesën”, rrëfen e lumtur Armina. Ajo tregon me passion se po shijon një lidhje të bukur. “Ne po e shijojmë lidhjen tonë dhe çdo hap është i qetë. Ka njerëz që bashkëjetojnë përjetësisht dhe nuk do të thotë gjë, pasi martesa është vetëm një nënshkrim dhe në këtë formë e shoh edhe unë. Sigurisht që do të vij dhe ajo ditë, por nuk kemi vendosur as datë dhe as kohë”. E pyetur se cilin mbiemër do të mbajë, Armina befasohet dhe thotë se do t’i mbajë të dy mbiemrat kur të kurorëzojë martesën. “Nuk e kam menduar kurrë këtë zgjedhje, edhe pse mbiemri i Shkëlzenit është i bukur”. Bukuroshja e cila njihet për suksesin e saj në botën e modës, zbuloi se kishte dëshirë që pas kurorëzimit, t’i mbajë të dy mbiemrat, pra Armina Mevlani Berisha.