Ariu i murmë jeton zakonisht në viset malore , por kjo video tregon se si ai ka zbritur në Pustenik të Hanit të Elezit dhe shëtit rrugës.
Ariu është filmuar nga një kalimtar i rastit, Samet Ballazi që më pas e ka dërguar videon në redaksi.
Që një ari të shihet i lirë në natyrë në kohë dimri, është diçka e pazakontë, për shkak se arinjtë janë kafshë që i nënshtrohen procesit të “Hibernetimit” (një gjendje e pasivitetit dhe depresion i metabolizmit gjatë të cilit disa kafshë të caktuara në familjen e të cilave hyn ariu, bien në gjumë të thellë dimëror dhe nuk zgjohen deri në pranverë).
