Grupimi i hakerave me emrin “Anonymous Albania” kanë shpërndarë një mesazh të fortë për Francëm që po mban në burg kreun e AAK-së, Ramush Haradinaj.
Më anë të një videoje të publikuar mbrëmjen e djeshme në Youtube, ata shprehen të zhgënjyer nga vendimi i autoriteteve franceze përsa i takon arrestimit dhe mbajtjes në burg të Haradinajt. Ata kanë theksuar se ky veprim provokon marrëdhëniet e Kosovës me Bashkimin Evropian si dhe nxit luftën në Ballkan.
“Drejtuar qeverisë franceze. Ne jemi Anonymous Albania. Jemi shumë të zhgënjyer nga qëndrimi juaj në lidhje me arrestimin e Zotit Ramush Haradinaj, një nga heronjtë tanë.
Ai ka kontribuar në çlirimin e Kosovës në 1998-ën. Kosova është shtet i pavarur dhe nuk është pjesë e Serbisë. Ju po prishni dialogun mes Kosovës dhe BE. Provokimet tuaja do të nxisin luftën në Ballkan.
Ndaj mos luani me ne. Ju nuk duhet ta ekstradoni Haradinajn në Beograd, pasi do të jeni në luftë me ne dhe shqiptarët. Mos e harroni, lironi Zotin Haradinajn, ose do ta paguani këtë. Ne jemi Anonymous Albania. Ne nuk falim, ne nuk harrojmë. Na prisni!”, citohet në mesazhin e Anonymous Albania.
https://youtu.be/dPg1k7g5R_I
