Teksa shpresat për të gjetur të mbijetuar në brigjet greke ku u mbyt anija me emigrantë thuajse po shuhen, mediat greke raportojnë për 78 të vdekur. Ndërkaq, 104 persona janë shpëtuar.
Në të njëjtën kohë, të afërmit e tyre vijuan të vinin në portin e Kalamatës për të kërkuar familjarët që ndodheshin në anije. Mes tyre ishte dhe një i ri i quajtur Fardi, i cili arriti të dallonte vëllain e tij,
Mediat greke kanë publikuar pamjet prekëse të takimit mes dy vëllezërve.
Ata, me lot në sy, mbajtën fytyrat e njëri-tjetrit dhe u përqafuan. Fardi, një refugjat sirian, erdhi nga Holanda për të kërkuar dhe gjetur përfundimisht vëllain e tij 18-vjeçarin Mohamed, i cili ishte në bordin e anijes së peshkimit që po fundosej.
Muhamedi po përpiqej të arrinte në Itali. Ai kurrë nuk arriti atje, por ai u shpëtua./Opinion.al
