Braziliani Neymar ka shkuar në një stacion policor në Rio de Janeiro, ku ka dhënë deklaratën e tij në lidhje me akuzat për përdhunim.
Lojtari i PSG-së i ka mohuar akuzat për përdhunimin e Najila Trindade në një hotel në Paris më 15 maj dhe falënderoi tifozët e tij jashtë stacionit për mbështetjen.
Javën e kaluar Najila Trindade, u shfqa në një kanal televiziv duke akuzuar Neymar përpërdhunim, duke u shprehur se kërkonte drejtësi.
Pas akuzave, kanë nisur telashet e para për futbollistin brazilian, pasi MasterCard pezulloi një fushatë reklamuese me Neymar.
Kompania e kartës së kreditit tha se do të ndalonte përdorimin e imazheve të yllit të futbollit, që është imazhi më i shtrenjtë në botë dhe luan për Paris St-Germain, derisa situata të zgjidhet.
Nike Inc tha se ishte shumë i shqetësuar për akuzat për përdhunim ndaj Neymar, të cilin e sponsorizon.
Neymar u paraqit në polici me paterica pasi lëndoi kyçin e këmbës së djathtë gjatë ndeshjes së Brazilit me Katarin në Brazilia të mërkurën.
Duke folur në derën e stacionit të policisë, futbollisti u shpreh: “Vlerësoj mbështetjen dhe të gjitha mesazhet që bota më ka dërguar, miqtë, tifozët e mi, që bota është me mua. Ju falenderoj.”
Trindade, e cila është gjithashtu nga Brazili, thotë se u njoh me Neymar në Instagram.
Ndërsa deklaroi për televizionin SBT Brasil se ishte tërhequr nga futbollisti dhe kishte dashur të bënte seks me të.
Ajo fluturoi drejt Parisit dhe u vendos në një hotel me shpenzimet e tij. Kur u takua me Neymar, ajo tha se ishte agresiv dhe krejtësisht ndryshe nga djali që kishte njohur në mesazhe.
Trindade shtoi se ishte përgatitur fillimisht për seks konsensual dhe i kishte kërkuar futbollistit përdorimin e një prezervativi. Sipas saj Neymar refuzoi, u bë agresiv dhe e përdhunoi./ Opinion.al E.Xh.
Exclusivo! Modelo que acusa Neymar de estupro fala com Roberto Cabrini. Hoje, às 19h45, no #SBTBrasil pic.twitter.com/ZDqoFJlOIe
— SBT Jornalismo (@sbtjornalismo) June 5, 2019
