TIRANE- Tre të rinj ranë në prangat e policisë pasi punonin si shpërndarës dorge në lokalet e Bllokut. Ata u arrestuan mbrëmë në rrugën “Myslym Keta” dhe janë:
1. Antonio Ruçi, 27 vjeç, banues në Tiranë.
2. Fluturim Kica, 28 vjeç, lindur dhe banues në Strugë Maqedoni.
3. Zulfi Ademi, 45 vjeç, lindur dhe banues në Strug Maqedoni, me gjëndje gjyqesore i dënuar me parë për “Plagosje”.
Arrestimi i tyre u bë në bazë të informacioneve se Antonio Ruçi dhe Zulfi Ademi, në bashkëpunim me disa persona të tjerë punonin me shitjen e e kokainës dhe cannabisit.
Në momentin e arrestimit ata lëviznin me Mercedez Benz me targa maqedonase SU 5175 AB me drejtues mjeti shtetasin Zylfi Ademi ku brenda këtij automjeti ndodheshin edhe dy persona të tjerë.
Nga kontrolli i ushtruar në automjet u gjet e mbështjellë një material celefoni (qese) me ngjyrë kafe e mbushur me lëndë narkotike e dyshuar si kokainë me peshë 100 gram dhe gjithashtu gjatë kontrollit personal të shtetasit Fluturim Kica në xhepin e pantallonave i është gjetur një qese me ngjyrë të vërdhë e mbushur me lëndë narkotike e dyshuar si ajo e cannabis sativa e cila rezultoi e peshës 8.8 gram .
Këta shtetas e shpërndanin lëndën narkotike në zonën e ish bllokut dhe tek ish-shkolla e bashkuar.
