Rreth 30 persona u plagosën të shtunën në Hungari pasi dhjetëra makina u përplasën dhe disa morën flakë në autostradën M1 për shkak të një stuhie pluhuri që shkaktoi mjegull dhe uli papritur dukshmërinë, transmetojnë mediat e huaja.
Policia hungareze ka bërë të ditur se aksidenti ka ndodhur rreth orës 14:25. Pesë kamionë dhe 37 makina janë përplasur në seksionin e 26 kilometrit të autostradës M1, në dalje nga Budapesti.
Sipas të dhënave paraprake, si pasojë e aksidentit janë djegur 19 automjete, si dhe kanë mbetur të plagosur gjithsej 36 persona, njëri prej të cilëve ka pësuar dëmtime në rrezik për jetën, ndërsa 13 persona kanë pësuar lëndime të rënda.
Menjëherë pas ngjarjes policia mbylli autostradën M1 në të dy drejtimet./Opinion.al
