Një aksident i frikshëm ka ndodhur ditën e sotme në Serbi, ku një person ka humbur jetën nga përplasja e trenit me një automjet në hekurudhën Beograd-Bar.
Në rrjetet sociale qarkullojnë pamje të momentit kur një tren me shpejtësi të plotë merr përpara një makinë të tipit “Opel”.
Nga aksidenti i ndodhur ka humbur jetën një grua 61 vjeçare e cila drejtonte automjetin. Si pasojë e shpejtësisë së madhe të trenit, makina është shtyrë për qindra metra larg nga vendi i ngjarjes.
Policia ka nisur hetimet për aksidentin e tmerrshëm për të cilin dyshohet që shkak kryesor është bërë mosrespektimi i rregullave të qarkullimit nga ana e drejtueses së automjetit.
