Ish-ministri i Brendshëm, Saimir Tahiri pasi doli nga Prokuroria e Krimeve të Rënda deklaroi se kishte dëshmuar lidhur me kërcënimet ndaj dy profesorëve nga Emiljano Shullazi.
Ai nuk pranoi të japë detaje mbi atë ç’ka ka folur para prokurorëve, por tha se ka bërë detyrën me korrektësi. Tahiri tha se nuk ka frikë të shkojë në prokurori, ndryshe nga ata politikanë që kanë vjedhur dhe vrarë dhe kanë frikë të paraqiten në organin e akuzës.
Gazetarët këmbëngulën që Tahiri të mos bënte politikë, por tu tregonte mbi dëshminë në prokurori. Ai i mëshoi edhe një herë fort faktit se reforma në drejtësi është zgjidhja për këtë sistem.
Gjithashtu Tahiri u pyet edhe për Balilin.
Gazetarja: A të mbeti peng që nuk e arrestove Balilin?
Tahiri: Nuk më ka mbetur asnjë peng nga detyra e ministrit. E rëndësishme është që Balili nga person me pozitë shtetërore, tani është person në kërkim. Nuk ka rëndësi nëse arrestohet sot apo pas një viti…. /Opinion.al
