Në zonën e “qytetit të nxënësve”, ose ndryshe tek kryqëzimi i Unazës së Re me Rrugën e Kavajës ndodhet një treg informal ku shiten rroba të përdorura në mes të ujërave të zeza.
Komuniteti rom që jeton duke shitur në këtë treg kërkon kushte optimale, por Bashkia duket se nuk e ka në listë këtë zonë të Tiranës. ABCNEWS që ka realizuar kronikën është interesuar në Bashki, por nuk ka marrë përgjigje.
Siç shihet edhe nga pamjet ky treg nuk plotëson asnjë standard higjieno-sanitar.
Kjo hapësirë ndahet mes kalimtareve dhe tregtarëve të veshmbathjeve të vendosura në trotuar. Aty vershojnë ujërat e zeza dhe pluhuri për shkak se po punohet për mbikalimin.
Çuditerisht të gjitha këto mangësi nuk shqetësojnë jo vetëm Bashkinë, por as qytetarët.
Ata nuk ngurojnë t’i provojnë veshjet e përdorura në rrugë…
Tregtarët kryesisht të komunitetit rom, thanë se janë të kenaqur nga fitimet, por të shqetësuar nga perballja e perditshme me policine bashkiake. “Ne kërkojmë një treg të ri”, u shprehën ndër të tjera ata.
ABC NEWS u interesua pranë Bashkisë së Tiranes për të marrë informacion se çfarë do të bëhet me këtë treg që nuk përmbush asnjë kusht, por nuk mori përgjigje.
