Rreth 300 gra, të cilat punojnë në biznesin fason në Shkodër protestuan për kushtet e vështira të punës së tyre dhe rritjen e vazhdueshme të normave nga ana e punëdhënësve.
Punonjësit kërkojnë rritjen e pagave të tyre. Ato thanë se normat e vendosura janë të papërballueshme, dhe nuk mund të nxjerrin dot as një rrogë minimale. Protestueset thanë se nuk do të rikthehen në punë në rast se nuk marrin një përgjigje.
Disa prej tyre kanë më shumë se 15 vite që punojnë në fasoneri, dhe thonë se e kanë të pamundur që të vijojnë punën me këto kushte.
“Unë jam një punonjëse që kërkoj të na plotësojë kushtet që janë katastrofë, dhe të na rriten rrogat. Nuk do të rikthehemi në punë në rast se nuk marrimn një përgjigje. Unë kam 7 vite që punoj këtu dhe kushtet nuk janë përmirësuar, po shkojmë edhe më dobët sesa kemi qenë”, shprehet një prej punëtoreve.
