Video/ 21 vite pa fituar. Gjermania hakmerret ndaj Italisë

Gjermania ka poshtëruar Italinë në miqësoren përgatitore për Kampionatin Evropian duke fituar me rezultat të thellë 4 me 1.

Toni Kroos hapi serinë e golave në minutën e 24­të. Epërsia u dyfishua nga Mario Gotze në minutën e 45­të.

Jonas Hector realizoi për 3 me 0 në minutën e 59­të, ndërsa Mesut Ozil në të 75­ën u përkujdes për “pokerin” e Gjermanisë.

Stephan El Shaarawy realizoi golin e nderit për italianët në minutën e 83­të.

Për kampionen e botës u paraqit edhe mbrojtësi shqiptar Shkodran Mustafi që u ndëshkua me karton të verdhë në minutën e 77­të.

Një fitore mjaft e rëndësishme për Gjermanët që bëjnë ‘autokritikë’ pas humbjes turpëruese 2­3 ndaj Anglisë 4 ditë më parë.