Kamerat kanë kapur momentin kur dy ushtarë izraelitë qëllojnë me armë mbi një grua palestineze e cila tentoi t’i therë ata me thikë, në një stacion autobusi në territorin e pushtuar nga Izraeli, West Bank.
The Times of Israel raporton se incidenti ka ndodhur në rrugën “Gitai” afër Ariel, një vendbanim izraelit dhe qytet në qendër të West Bank.
Videoja është filmuar nga një makinë e rastit e cila po kalonte në këtë pjesë të rrugës në momentin e incidentit dhe me pas në mbrëmje është postuar në Youtube.
Më vonë, një zëvendës i ushtrisë izraelite ka thënë se gruaja, identiteti i së cilës nuk është bërë i ditur, ka marrë trajtim mjekësor në vendin e ngjarjes dhe më pas është dërguar në spital në gjendje të rëndë për jetën.
