Një 12-vjeçar me origjinë shqiptare është dhunuar nga babai i një shokut të klasës në Greqi.
Ngjaja ndodhi në Peristeri dhe është raportuar në mediat greke dhe ka ngritur shqetësimet për racizmin, i cili shfaqet që në moshat e vogla.
Në kronikën e transmetuar në mediat fqinje shihet se si një burrë i rritur mban të shtrirë në tokë 12-vjeçarin, i bërtet dhe në një moment i përplas kokën..
Nxënësi shqiptar ka treguar se kishte pasur edhe zënka të tjera me shokun e klasës, ndërsa për ngjarjen e fundit, ai tregon se bashkëmoshatari e kishte ofenduar dhe mallkuar dhe se ai i ishte përgjigjur në të njëjtën mënyrë.
“Unë po ecja me biçikletë, pastaj erdhi shoku i klasës dhe filloi të më ofendonte e mallkonte për vendin tim, dhe unë bëra të njëjtën gjë. Ai më goditi më pas dhe pastaj erdhi dhe babi i tij dhe më goditi. Më kapi nga flokët dhe ma përplasi kokën në tokë”, ka treguar ai.
Pas sulmit i mituri shqiptar u dërgua në Spitalin e Fëmijëve, ku u zbulua se vuante nga një frakturë në qafë.
Prindërit e fëmijës shqiptar shprehen se po mendojnë që të ndërrojnë shkollën e djalit të tyre, pikërisht për shkak të sulmeve të vazhdueshme që ata po ndeshin, ndërsa theksuan se do t’i drejtohen edhe gjykatës për problemin në fjalë. /Opinion.al
