Ambasada e SHBA-së dhe delegacioni i BE-së në vendin tonë kanë reaguar pas pezullimit të ligjit të Vettingut nga Gjykata Kushtetuese, e cila shqyrtoi kërkesën e Partisë Demokratike dhe vendosi t’ia dërgojë Komisionit të Venecias për shqyrtim.
SHBA dhe BE bëjnë me dije se respektojnë autoritetin e Gjykatës Kushtetuese dhe bëjnë thirrje që të bëhet sa më shpejt referimi në Komisionin e Venecias me qëllim që të shmangen vonesat
Deklarata e plotë:
Shtetet e Bashkuara dhe Bashkimi Europian respektojnë autoritetin e Gjykatës Kushtetuese për të shqyrtuar Ligjin e Vetingut dhe pezulluar zbatimin e tij.
Gjykata Kushtetuese ka thënë se do t’ia referojë ligjin Komisionit të Venecias. Nxisim që ky referim të ndodhë sa më shpejt që të jetë e mundur për të parandaluar vonesa.
Shtetet e Bashkuara dhe Bashkimi Europian mbeten të përkushtuar ndaj zbatimit të plotë të reformës së gjyqësorit.
Pezullimi i ligjit të Vettingut ndalon përkohësisht procesin e reformës në drejtësi, pasi është një nga ligjet më të rëndësishëm të kësaj reforme, pasi lidhet drejtpërsëdrejti me ngritjen e institucionit të SPAK, që do të hetojë gjyqtarët dhe prokurorët.
Partia Demokratike kishte ankimuar 3 javë më parë në Gjykatën Kushtetuese ligjin e Vettingut që ishte votuar në Parlament vetëm nga mazhoranca. Opozita pretendon se ky ligj është antikushtetues
