Procesi i vettingut në vendin tonë ka nisur ditën e sotme zyrtarisht.
Lajmi është publikuar nga Top Channel.
Të parët që do t’i nënshtrohen këtij procesi janë trupa e gjyqtarëve të Gjykatës Kushtetuese, me në krye Bashkim Deden.
Ende nuk është konfirmuar se sa do të zgjasë ky proces, por gjyqtarëve do t’u skanohet pasuria dhe pastërtia e figurës.
Mësohet se në sitën e organeve të vettingut do të kalojë edhe pasuria e familjarëve dhe të afërmve të tyre.
Pas këtij procesi, mbetet për t’u parë nëse do të ketë “koka të prera” nga vettingu në trupën e kësaj Gjykate, të cilën kryeministri Rama e ka cilësuar si të vetmin institucion ku mund të hysh me kokën lartë.
