30 gushti do të jetë data kur do të mbahet seanca e jashtëzakonshme plenare ku do të kalonjë për miratim e projektligjit për ‘Vettingun’, pjesë e paketës për reformën në drejtësi. Këtë fakt e pohoi deputeti i PS-së, Taulant Balla, fill pas mbarimit të mbledhjes se Konferencës së Kryetarëve, ku ishte e pranishme edhe opozita. Të njejtin fakt pohuan edhe burime për ‘News24’, ndërsa seanca do të mbahet në fudnt të gushtit, në orën 17:00.
“Sot u bë e mundur dhe u ra dakord, nën konsultimin e kryetarit të Kuvendit u vendos që në 30 gusht, në orën 17:00 do mblidhet Kuvendi. U la një detyrë Komisionit të Posaçëm që të ecet me shqyrtimin e dy ligjeve të tjera që janë në proces, ligjin e Spak dhe Qeverisjes gjyqësore. Shumë shpejt Kuvendi i Shqipërisë i hap rrugë një procesi të rëndësishëm, ‘Vettingut’ që do monitorojë procesin gjyqësor dhe atë të prokurorisë.”, tha Balla, raporton BW.
MBLEDHJA
Mbledhja e Konferencës se Kryetarëve nisi rreth orës 19:00, 1 orë me vonë orarit të përcaktuar. Më Mbledhja u drejtua nga kryetari i Kuvendit, Ilir Meta, i cili shoqërohej nga nënkryetarja, Valentina Leskaj.
Po sot, Komisioni për Reformën në Drejtësi miratoi me votat e maxhorancës projektligjin për ‘Vettingun’. Opozita ishte e pranishme në komision, por nuk pranoi të votonte. Deputeti i Partisë Socialiste, Pandeli Majko pohoi se ky projektligj u miratua me konsensus të maxhorancës, ndërsa theksoi se opozita ndonëse ishte e pranishme nuk votoi. Ndërkohë, i kundërt ka qenë qëndrimi i nënkryetarit të Komisionit për Reformën në Drejtësi, Oerd Bylykbashi theksoi se miratimi i projektligjit për ‘Vettingun’ ishte antikushtetues. Deputeti i opozitës pohoi se ligji devijon nga Kushtetua e miratuar më 22 korrik.
