Gjykata Kushtetuese i ka dërguar edhe një herë Komisionit të Venecias ligjin e Vetting-ut. Shkak është bërë një gabim në përkthimin ne anglisht te ligjit. Gabimi i eshte vene ne dukje Kushtetueses nga Partia Demokratike, e cila me pas i ka paraqitur nje kerkese me shkrim per ta riderguar perkthimin e sakte te ligjit ne Venecia.
Televizioni Klan mësoi se ne mbledhjen e grupit parlamentar demokrat, kryetari Basha ka deklaruar se përkthimi i dërguar nga ana e Gjykatës Kushtetuese në Venecia është jo korrekt dhe se prek pikërisht ato dispozita që Partia Demokratike i cilëson antikushtetuese.
Klan u interesua ne Gjykaten Kushtetuese ku mesoi nga drejtues te saj se përkthimi i ligjit që mberriti ne Komisionin e Venecias me 25 tetor ishte bërë nga ekspertët e misionit EURALIUS.
Të njëjtat burime konfirmojnë pretendimet e opozites per parregullsi në variantin fillestar, por sqarojne se gabimet ne perkthim nuk e cënojnë thelbin e ligjit.
Pas evidentimit të disa parregullsive ne variantin e perkthyer nga EURALIUS, Gjykata Kushtetuese ka thirrur ekspertë të Ministrise se Drejtësisë. Pas rregullimeve, varianti i ri i përkthyer i ligjit të vetting-ut i është dërguar me urgjencë në orët e pasdites ne Komisionin e Venecias.
Ne diskutimet e bera ne mbledhjen e grupit parlamentar demokrat, ky eshte quajtur një rast flagrant i përmasave të mëdha.
Zbatimi i ligjit te ventingut eshte vene si kusht nga Komisioni Europian per hapjen e negociatave. Keshilli i Ministrave te Bashkimit Europian do te vendose me 15 dhjetor mbi kete rekomandim.
Pergjigja e Komisionit te Venecias per Vettingun pritet me 10 dhjetor dhe nuk eshte e qarte nese rishikimet e perkthimit do te vonojne kthimin e pergjigjes ne Gjykaten Kushtetuese apo nese gjykates do t’i mjaftojne 5 dite kohe per te shqyrtuar arsyetimin e Venecias dhe per te vendosur mbi ligjin.
Tv Klan
