Në pritjen e fund vitit me ambasadorët e akredituar në Tiranë, Kryeministri Edi Rama ka mbajtur një fjalim për marrëdhëniet në rajon dhe procesin e integrimit në Bashkimin Evropian. Rama u shpreh se kërcënimi dhe armiku i vetëm i të gjithëve është terrorizmi.
“Kosova dhe rajoni i Ballkanit janë vende kyçe për sigurinë në Evropë”, u shpreh Rama e cilësuar si të turpshme mos liberalizimin e vizave për Kosovën.
“Për të gjithë ata që mendojnë se zgjerimi duhet ndaluar në emër të sigurisë, ne besojmë me të gjithë forcën e arsyes se zgjerimi duhet vazhduar në emër të sigurisë”.
Duke folur për integrimin e Shqipërisë në BE, Rama u shpreh se, kur vjen puna te Evropa shqiptarët nuk ndahen.
“Si forcë qeverisëse ne e kemi shkruar në programin tonë, që Evropa nuk është një rrugëtim për të shkuar diku, por një udhëtim i brendshëm për të pasur një shtet demokratik”, tha ai.
Kreu i qeverisë shqiptare duke folur për hapjen e negociatave tha se pavarësisht se cila do të jetë sjella e BE-së, Shqipëria do të vazhdojë me vendosmëri si i vetmi drejtim integrimi në BE.
“Nuk kemi çfarë kërkojmë nga BE në qoftë se nuk zbatojmë kryereformën”, theksoi Rama gjatë fjalës së tij duke iu referuar reformës në drejtësi.
Për marrëdhëniet në rajon, Kryeministri tha se ndryshe nga se interpretohet, Shqipëria nuk kërkon asnjë konflikt me fqinjët dhe është për zgjidhjen e të gjitha çështjeve historike.
“Ne duam zero probleme me fqinjët. Ne nuk duam krijimin e konflikteve por zerimin e tyre”, deklaroi Rama.
