Komisioni ad hoc për institucionet e Vetingut votoi sot 7 anëtarët e Kolegjit të Posaçëm të Apelimit. I gjithë procesi i votimit u ndoq edhe nga ambasadorët Lu dhe Vlahutin.
Ina Rama, Sokol Çomo dhe Alban Shtylla ishin mes emrave tw përzgjedhur mes 30 kandidatwve.
Nisur nga deklaratat e opozitës gjatë seancave dëgjimore Rama, Shtylla dhe Çomo nuk janë të përzgjedhurit e saj në këtë votim të fshehtë elektronik. Kështu, Ardian Hajdari, Natasha Mulaj dhe Luan Daci mendohet të jenë votuar nga opozita.
Për anëtarin e shtatë të Kolegjit të Apelimit votat zgjodhën me short Rezarta Shutz. Anëtaret zëvendësuese u zgjodhën po me short Etleva Papleka dhe Mimoza Tasi.
Kolegji i Apelimit do të ketë mandat 9 vjeçar për të shqyrtuar ankimet ndaj vendimeve të Komisionit Kualifikimit, i cili e kryen procesin për 5 vjet.
Për Komisionin e Posaçëm të Kualifikimit, anëtarët zëvendësues dhe komisionerët publikë përzgjedhja do të bëhet të enjten nga komsioni parlamentar ad hoc.
Lista e të votuarve nga dy komisionet për organet e Vetingut i shkon Parlametit, i cili duhet ta miratojë me 84 vota.
