Kryeministri Rama ka komentuar sot në “Studio e Hapur” të Eni Vasilit në “News24” veprimin e Unionit të Gjyqtarëve që çuan në Kushtetuese ligjin e vetingut.
Rama tha se gjyqtarët janë po të njëjtët që kundërshtonin rregulloren që ndalonte që të njëjtën çështje ta shqyrtonin në shkallë të tjera të afërm të tyre gjyqtarë.
Ai madje i cilësoi skutha ata që sot ankimojnë vetingun.
“Këta janë po të njëjtët që ishin kundër heqjes së të drejtës të gjykimit të të njëjtave çështje nga gratë dhe bashkëshortet e tyre në shkallë të tjera. Dhe sot si skutha kur njerëzit e kanë mendjen te fushata, ata ankimojnë vetingun në Kushtetuese”, tha Rama.
