Stilistja me famë botërore Kate Spade është gjetur e vdekur në apartamentin e saj në Nju Jork. Sipas mediave të huaja, dyshohet se 55-vjeçarja është vetëvarur në apartamentin e saj.
Ajo nisi punën në vitet ‘80 për revistën e femrave “Mademoiselle” në Manhatan.
Kulmin e karrierës e arriti me dizajnimin e kuletave së bashku me bashkëshortin e saj Andy, me të cilin u martua në vitin 1994. Sipas mediave ndërkombëtare, policia ka nisur hetimet dhe ka gjetur një letër në banesë. Siç bën me dije TMZ, letra është shkruar për vajzën e saj 13-vjeçare.
Letra është gjetur pranë një krevati ku ajo ishte vetëvarur dhe në të shkruhet: “Bea, të kam dashur gjithmonë, nuk është faji yt. Pyet babin”.
