Albin Kurti dhe Isa Mustafa njoftuan sot nënshkrimin e marrëveshjes së tyre për bashkëqeverisje por megjithatë statuti i Lëvizjes Vetëvendosje parashikon se kjo vendimmarrje nuk mund të jetë në dorë vetëm të kryetarit të saj por duhet të ndërmerret me referendum.
Këtë gjë e paralajmëroi edhe Kurti gjatë konferencës për mediat kur tha se “punët veç kanë nisur për referendumin në Vetëvendosjes. LDK do ta çojë marrëveshjen në Këshillin e Përgjithshëm. Kështu e parashohin statutet e subjekteve tona”.
Referendumi do ti kërkojë anëtarëve të Vetëvendosjes nëse e mbështesin ose jo koalicionin qeverisës me LDK-në. Ai do të zhvillohen sipas parimit një anëtar një votë për 40 mijë anëtarët e VV-së.
Për këtë proces janë duke u përgatitur strukturat e VV-së për të hapur kutitë e votimit në 30 qendra në mbarë Kosovën deri në fund të ditës, njofton Klan Kosova.
Nga ana tjetër LDK do të mbledhë sot Këshillin e Përgjithshëm në orën 13:00 për të propozuar emrat që do të kryesojnë ministritë që ata do të drejtojnë. /Opinion.al
