Lëvizja Vetëvendosje i ka dorëzuar Presidentit të Kosovës, Hashim Thaçi propozimin për të mandatuar Albin Kurtin si kryeministër të Kosovës.
Ky dokument i është dorëzuar Presidentit Thaçi pas disa thirrjeve të këtij të fundit në adresë të kreut të Vetëvendosjes për të marrë mandatin e formimit të qeverisë.
Disa ditë më parë Thaçi tha se kishte firmosur vendimin për të mandatar Kurtin si kryeministër dhe se po e priste që ai të merrte detyrën.
Vetëvendosja ende nuk ka arritur një marrëveshje qeverisjeje në koalicion me LDK-në. Në daljen e fundit për mediat Kurti tha se palët janë pranë një marrëveshje por ende nuk është arritur një e tillë. Ndërkohë parlamenti kosovar nis sot punën i kryesuar nga Glauk Konjufca. /Opinion.al
