Një ngjarje e rëndë është regjistruar në Peqin, ku një grua është hedhur nga furgoni i pasagjerëve dhe për pasojë ka ndërruar jetë.
Mësohet se ngjarja ka ndodhur në vendin e quajtur Papër. Viktima është identifikuar si shtetasja M.Gjuzi, 50-vjeçe, e cila prej vitesh punonte si shitëse ambulante.
Gruaja po udhëtonte në një furgon të linjës Peqin-Elbasan dhe ende nuk dihen shkaqet që e kanë çuar 50-vjeçaren në këtë akt fatal.
Paraprakisht bëhet me dije se shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se ka hapur derën e pasme të furgonit dhe është vetëhedhur.
Ndërsa policia ka shoqëruar në komisariat drejtuesin e furgonit.
“Rreth orës 09:00, në aksin rrugor Peqin-Elbasan, në fshatin Papër, shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se ka hapur derën e pasme të furgonit dhe është vetëhedhur.
Si pasojë e dëmtimeve, shtetasja M. Gj. ka humbur jetën.
Drejtuesi i furgonit, shtetasi S. T., po shoqërohet në Komisariat, për sqarimin e rrethanave të ngjarjes.
Shërbimet e Policisë dhe grupi hetimor ndodhen në vendngjarje dhe po punojnë për sqarimin e plotë të rrethanave të kësaj ngjarjeje”, njofton policia./Opinion.al
