Kryebashkiaku i majtë i Fierit, Armando Subashi ka kërkuar të ndiqet penalisht Gjergji Nazo, kryetar i LSI njësia administrative ‘Qendër’ në Fier. Po kështu padi në prokurori ka çuar edhe për shtetasin Besnik Gremi (ekskavatorist), të cilët i akuzon për shkatërrim të pronës së bashkisë.
Sipas padisë së dorëzuar nga bashkia në prokurorinë e Fierit, eskavatoristi Besnik Grëmi me urdhër të Gjergji Nazos ka kryer punime pa lejen e bashkisë, duke dëmtuar strukturën e një objekti, ka bllokuar rrugën ku kalojnë banorët me mbeturina inerte dhe ka sjellë ndotje të mjedisit.
Kujtojmë se prej ditësh po zhvillohet një luftë e ahpër mes funksionarëve e shtetit të kaheve të ndryshme politike dhe kryesisht PS-PD përballë LSI-së.
Kujtojmë se ministrat teknikë kanë çuar për ndjekje dhe kanë shkarkuar nga detyra një sërë drejtorësh, kyresisht nga radhët e LSI, pasi sipas tyre kanë marrë pjesë në fushatë.
Nga ana tjetër drejtorët e shkarkuar kanë paditur eprorët e tyre siç ishte rasti i drejtorit të Postës Majlind Lazimi që paditi në prokurori ministren Milva Ekonomi. /Opinion.al
