Gjykata e Tiranës zbardhi arsyetimin e vendimin e dënimit me 4 vjet burg të Elton Tozajt, ish-pjesëmarrësit të programit “Big Brother Albania”. Ai u shpall fajtor nga Gjykata për “mashtrim” dhe “falsifikim të dokumenteve”. Sipas Gjykatës, Tozaj përfitoi shuma parash nga disa persona, duke u prezantuar si punonjës i Ministrisë së Brendshme, që mund t’i ndihmonte në përfitimin e një kredie të butë. Po ashtu, ai përfitoi para nga një biznesmen, të cilit i premtoi dhënien me qira të ish-Vilës së Enver Hoxhës në ish-Bllok. Vendimi i plotë ndaj Tozajt, i siguruar nga “Panorama”, nxjerr në dritë detaje të pathëna më parë për mënyrën se si ka futur në kurth gjashtë persona.
Në një kohë që pesë të dëmtuarat femra i ka “tunduar” vetëm me dokumente me firmën e falsifikuar të Ministrit të Brendshëm, biznesmenin e dëmtuar ai edhe e ka çuar te “Vila 31” për të parë ambientet nga afër.
Kreditë e buta
Gëzimi për krijimin e mundësisë së blerjes së një shtëpie i shtetases M.P., e cila punonte si pastruese në një kompani private, ka përfshirë edhe një kontabiliste dhe drejtoreshën e shitjeve të kësaj kompanie. Pastruesja u ka thënë se një mik i saj, i quajtur Elton Tozaj, punonte në Ministrinë e Brendshme dhe ishte përgjegjës i një projekti për dhënien e apartamenteve me kredi të butë për punonjësit e Ministrisë së Brendshme. Sipas saj, 10 nga përfituesit do të përzgjidheshin nga Tozaj. Nga hetimet e kryera, rezulton se i pandehuri nëpërmjet mashtrimit, në rast të përsëritur, gjatë periudhës maj-qershor 2016, i ka marrë një shumë prej 650 mijë lekësh të dëmtuarës B.L. dhe shumën 300 mijë lekë të dëmtuarës E.H. Gjithashtu, ai ka mashtruar edhe shtetasen M.P., duke u marrë dy prej tyre shumën nga 60 mijë lekë dhe të tretës 70 mijë lekë. Për t’u bërë i besueshëm, u ka dhënë të dëmtuarave edhe dokumente me stemë dhe vulë të Ministrisë së Brendshme, si dhe nënshkrim të ministrit Saimir Tahiri, sipas të cilave është miratuar dhënia e kredisë së butë për marrje apartamentesh.
TAKIMI TE KRYEMINISTRIA
në telefon dhe i ka kërkuar të paguante 200 mijë lekë, si dhe dy këste kredie në total 24.000 dhe 6000 lekë siguracion jete. Pasi siguroi paratë, po këtë datë së bashku me bashkëshortin G.B. kanë shkuar përballë dy Kullave Binjake, në afërsi të Kryeministrisë. Aty takuan Eltonin dhe pasi u prezantuan, i dhanë shumën prej 230 mijë lekësh. I pandehuri Elton Tozaj u dha brenda një zarfi shkresën që figuronte e nënshkruar nga ministri që sipas tij, ishte fotokopje me ngjyra, pasi origjinali ndodhej në protokollin e Ministrisë së Brendshme.
Pasi u larguan dhe hapën zarfin, G.B. ka dyshuar se ajo mund të ishte e falsifikuar. Në të njëjtën ditë, bashkë me bashkëshorten ai ka takuar Tozajn në një lokal në Rrugën e Kavajës. Tozaj i është prezantuar si këshilltar i ministrit të Brendshëm dhe këshilltar i jashtëm i kryetarit të Bashkisë Tiranë. Katër ditë më vonë, Tozaj u ka telefonuar dhe i ka kërkuar që duhej të paguante dhe 150 mijë lekë për siguracion. Duke pasur disa dyshime, G.B. i kërkoi që t’i kthente paratë, por ai nuk pranoi. Kanë biseduar përsëri, por ai i ka gënjyer për kredinë dhe banesën. Më datë 15.06.2016, ky shtetas ka lëshuar një deklaratë noteriale për njohje detyrimi, ku ka pranuar se i ka marrë shtetases B.L. 650 mijë lekë. Të njëjtat fakte rezultojnë edhe nga kallëzimi i shtetases E.H.
VILA E ENVERIT
Sipas vendimit, biznesmeni K.L., administrator i një shoqërie tregtare, ka kallëzuar Tozajn për marrjen e një sasie të hollash në shumën 7 mijë dollarë amerikanë, 35 mijë lekë dhe 5 mijë euro, për të marrë me qira ambientin e njohur si “ Vila 3 1 ”, në zonën e ish Bllokut, Tiranë. Kjo shumë i është marrë me pretendimin se do t’i siguronte me qira ambientin e njohur si “Vila 31”, me sipërfaqe prej 1250 m², kundrejt vlerës 3 dollarë për çdo m². Ky objekt është në pronësi të shtetit dhe për të vijuar procedurën, kallë zuesi, duke i besuar shtetasit Elton Tozaj, e ka autorizuar atë me një prokurë për të ndjekur të gjitha procedurat ligjore pranë institucioneve shtetërore, me qëllim marrjen e objektit me qira. Fillimisht i pandehuri Elton Tozaj
Pas bërjes së prokurës, i pandehuri i ka paraqitur kallëzuesit disa dokumente, me qëllim që kallë zuesi t’i kalonte në bankë disa shuma të hollash që do të përdoreshin sipas tij për mbylljen e praktikës. Në periudhën gushtshtator 2015, kallëzuesi K.L. ka kontaktuar me të A d v e r tis e m e n t ✖ pandehurin Elton Tozaj dhe duke qenë se ishin vonuar procedurat e marrjes së ambientit me qira, i ka thënë Eltonit se po e mashtronte, veprim për të cilin është bindur kur ka shkuar vetë në ambientet e objektit “Vila 31” dhe rojat e sigurisë i kanë thënë se nuk kishte të drejtë të qëndronte në këto ambiente. Kallëzuesi ka shpjeguar se krahas shumave të dhëna të pandehurit për procedurat e qirasë së objektit, i ka dhënë edhe sasi të tjera të hollash, të cilat ia ka kthyer babai i të pandehurit Elton Tozaj, shtetasi M.Tozaj, por pa specifikuar se çfarë shume i është kthyer. ARMAND BAJRAMI /PANORAMA
