Pas ambasadores Yuri Kim, edhe ambasadori i Bashkimit Europian, Luigi Soreca ka reaguar pas ankimit të bërë nga ana e Vëzhguesve Ndërkombëtar të ONM-së në Kolegjin e Posaçëm të Apelimit lidhur kreun e prokurorisë së Tiranës, Elizabeta Imeraj.
Në një postimi në Twitter, Soreca thotë se BE e mbështet plotësisht rekomandimin e ONM-së për apelimin e vendimit të prokurores e cila u konfirmua në shkallën e parë të vettingut nga ana e Komisionit të Pavarur të Kualifikimit.
Më tej, ai shkruan se çështja duhet trajtuar me integritet dhe pavarësi dhe çdo problem që ONM ka evidentuar të merret në shqyrtim.
“Ne mbështesim plotësisht rekomandimin e Vëzhguesve Ndërkombëtar për apelin. Ne presim Kolegjin e Posaçëm të Apelimit që të rihetojë mbi këtë çështje me integritet dhe pavarësi për të siguruar që çdo problem që është evidentuar në rekomandim të merret në shqyrtim” – shkruan Soreca.
