Në seancën që pritet të mbahet të enjten, Kuvendi do të vendosë nëse çështja e mandatit të deputetes socialiste, Olta Xhaçka do t’i kalojë ose jo Gjykatës Kushtetuese për shqyrtim.
Gjatë mbledhjes të Këshillit të Mandateve dhe Imuniteteve që u mbajt sot, deputetja Klodita Bushka kërkoi që duke u bazuar në diskutimet që u bënë gjatë mbledhjes, të vendoset në seancë plenare nëse Gjykata Kushtetuese duhet të marrë në shqyrtim çështjen nëse Olta Xhaçkës duhet t’i hiqet ose jo mandati i deputetes.
Bushka: I propozojmë seancës plenare të vendosë lidhur me dërgimin e çështjes në Gjykatën Kushtetuese nisur me gjithë analizën e çështjes që bëmë këtu.
Bardhi: E kuptoni pra qytetarë, u duhen edhe 48 orë për të kuptuar nëse e ka lëshuar apo jo Rama-Olta Xhaçkën.
