Këshilltari për Çështjet Ligjore Bledar Dervishaj ka bërë publike qëndrimin e Presidentit Ilir Meta, në lidhje me vendimin e Gjykatës Kushtetuese për zgjedhjet e 30 qershorit.
Ai ka thënë se Presidenti i Republikës Ilir Meta është njohur ditën e djeshme me këtë vendim. Ndërsa theksoi se Presidenti e ka cilësuar vendimin e Kushtetueses si një cënim të rëndë të transparencës dhe procesit ligjor, në lidhje me zgjedhjet e 30 qershorit 2019.
“Vetëm nëpërmjet një vendimi të marrë me themel gjykata do u jepte mundësinë shqiptarëve për një proces të denjë votimi. Por përkundër të gjithë këtyre pritshmërive, kjo gjykatë për fat të keq i zhgënjeu të gjithë. Gjykata Kushtetuese me këtë vendim hoqi dorë nga ushtrimi i vullnetit të saj dhe e shfaqi veten jo kompetente për këtë çështje.
Për fat të keq, Gjykata Kushtetuese, faktikisht e la çështjen pa vendim përfundimtar.
Në procesin e votimeve të 30 qershorit, a iu mohua të gjithë shtetasve shqiptarë e drejta për të zgjedhur?
A mundet sipas Kushtetutës të zhvillohen zgjedhje pa një datë të përcaktuar nga presidenti?
A ishin votimet e zhvilluara në përputhje me parimet e Kushtetutës?
A mundet që sipas Kushtetutës, data e zgjedhjeve të diktohet nga Kuvendi?
A quhen zgjedhje pluraliste kur aty ka vetëm një kandidat?
A ka kodi zgjedhor një zgjidhje për këtë, ku në zgjedhje paraqitet vetëm një kandidat?”-deklaroi ndër të tjera Dervishaj./Opinion.al
