Presidenti i Partisë së Lirisë, Ilir Meta ka reaguar pas vendimit të Apelit të Gjykatës së Posaçme kundër Korrupsionit dhe Krimit të Organizuar, e cila ka lënë në fuqi masat e sigurisë të caktuara nga Shkalla e Parë më 23 Tetor 2024.
Meta shpreheht se nuk është çuditur dhe as nuk është surprizuar nga ky vendim, pasi sipas tij ky është një konfirmim i mëtejshëm i ndikimit të pushtetit të faktuar në sistemin gjyqësor.
Reagimi i plotë i Ilir Metës:
Asnjë çudi dhe asnjë surprizë nga drejtësia me regji e Narkoshtetit.
Afërmendsh u rikonfirmua sërish se gjykatat janë thjesht dhe vetëm vegla qorre nën urdhrin dhe diktatin e Narkoregjimit DumDuman.
Desorosifikimi i drejtësisë është emergjencë kombëtare për çlirimin e shtetit dhe rivendosjen e shtetit të së drejtës dhe barazisë përpara ligjit për çdo qytetar.
Asnjë vendim gjykate dhe asnjë veprim i mjerë i Narkoregjimit nuk e ndal dot betejën e Partisë së Lirisë për çmontimin e Narkoshtetit, rikthimin e shtetit ligjor, mbrojtjen e lirive, të drejtave dhe dinjitetit njerëzor, të demokracisë e pluralizmit dhe vënien sa më parë në jetë të 5 Prioriteteve tona për 4 milion shqiptarë plus.
