Sot Kolegji Zgjedhor ka rrëzuar kërkesën e koalicionit Bashkë Fitojmë për përsëritje në procesit zgjedhor në Bashkinë e Kuçovës.
Koalicioni “Bashke Fitojme” kërkoi shpalljen e pavlefshme të rezultatit të zgjedhjeve dhe përsëritje të procesit në këtë bashki.
Pas përfundimit të rinumërimit të 18 kutive në Bashkinë e Kuçovës, Lefter Maliqi në një komunikim për mediat, e cilësoi vendimin e Kolegjit Zgjedhor, një vendim politik.
“Në vjeshtë më kandidat tjetër. E dini shumë mirë që me këtë kandidat ishte e pamundur. Votim afrikan në Kuçovë, e patë shumë mirë, ndërsa Kodi Zgjedhor thotë vota është e fshehtë, procesverbalet mungonin, pra yrra byrra votoni se partia shtet e di vetë se kë nxjerr.,. Unë do vazhdoj betejat politike për t’i kthyer dinjitet qytetarëve të Kuçovë. Qeveritarët duhet ti kapësh si Gjici me provë, me presh në dorë, në gojë. Edhe ky Hajdari si ai ishte, nuk ka prova por e di gjithë Kuçova”, tha Maliqi.
Pas përfundimit të rinumërimit të votave, kandidatit të PS Kreshnik Hajdari iu hoqën 9 vota, kandidatit të koalicionit “Bashkë Fitojmë” Lefter Maliqi iu hoqën 4 vota dhe kandidatit të PD zyrtare Kreshnik Hajdari iu hoqën 2 vota.
