Kreu i grupit të PS-së thotë se nuk ka shkak për përpalsje sociale pas vendimit të opozitës për të djegur mandatet. Sipas Taulant Ballës vendi nuk është në krizë. Ai ka thënë në Opinion se një grup politikanësh të korruptuar duan të dalin nga sistemi për të shpëtuar nga drejtësia.
“Konflikt social është fjalë shumë e madhe. Këta janë një grup politikanësh të korruptuar që duan të dalin nga sistemi për të fituar imunitetitn. Mund të përdoren dhe për… Nuk është konflik social kur një grup politikanësh të korrptuar kërkon ti përdorin për vete këta njerëz”.
Sipas tij, nëse njerëzit do të dalin sërish në protestë dhe do përdorin dhunë policia do bëjë punën e vetë dhe ata do përfundojnë në burg si Florenc Hoxha.
