Ermal Meta ishte padyshim një prej artistëve që kanë shkëlqyer këtë edicion të festivalit të Sanremo. Shqiptari arriti të rrëmbente çmimin e tretë si dhe atë të këngës më të mirë “Cover” në natën e tretë.
Këngëtari u vlerësuar edhe më një çmime tjetër, atë të kritikës “Mia Martini”.
Në një intervistë të dhënë pas finales së madhe, 35 vjeçari ka folur për kuptimin e këngës “Vietato Morire”, thënë shqip “E ndaluar të vdesësh”.
“U frymëzova nga një histori e vërtetë dhe fjalët e kësaj kënge i shkrova për të dhënë një mesazh, që mos t’i bindemi e të mos i nënshtrohemi kurrë çfarëdolloj dhune. Këngën ia dedikoj nënës sime, gruaja që më mësoi mos t’i bindem asnjëherë dhunës”,- tha Ermali.
Për Ermal Metën është hera e katërt që shkel në festivalin Sanremo./ opinion.al
