Dy vëllezër shqiptarë të moshës 27 dhe 29 vjeç kanë mbetur të plagosur me thikë në Itali.
Sipas mediave italiane ngjarja ka ndodhur në Lignano Sabbiadoro, në Viale Venezia zonë qendrore, një nga vendet tregtare të qytetit.
Dy vëllezërit kanë qenë duke ecur përgjatë rrugës bregdetare kur janë sulmuar me thikë nga një i ri.
Njëri prej tyre u transportua me helikopter me plagë në bark, në spitalin Santa Maria della Misericordia në Udine me kod të verdhë, ndërsa tjetri i palgosur në kokë u trajtua drejtpërdrejt në pikën e ndihmës së parë të qendrës bregdetare.
Në vendngjarje mbërriti ambulance si dhe Karabinierët që po hetojnë çështjen. Në bazë të gjetjeve të para hetimore, sulmuesi tashmë do të ishte identifikuar./Opinion.al
