Klement Balili arriti të largohej nga Shqipëria edhe pse Greqia e kërkon për trafik ndërkombëtar droge. Në fillim doli në media dhe deklaroi se nuk kishte liddhje me drogën. Një ditë më pas u shkarkua nga drejtor i Trnsporteve në Sarandë dhe u arratis.
Ndërsa në Belgjikë ortakët e tij në “biznesin” e drogë u kapën dhe ndodhen në birucë. Ata janë Dhimitër dhe Xhevahir Poti, të shpallur në kërkim nga autoritetet greke. Lajmi për arrestimin e tyre konfirmohet zyrtarisht nga policia belge.
Gjatë arrestimit atyre iu sekuestruan 100 kg hashash, 19,000 euro dhe tre makina.
Vëllezërit Poti nuk figurojnë me precedent penal në Shqipëri , ndërsa në rrugë policore janë të identifikuar për aktivitet të paligjshëm në Greqi dhe Belgjikë.
Ata dyshohet se bashkë me Klemend Balilin, ish –drejtorin e transporteve të Sarandes, ishin krerët e rrjetit të narkotrafikut.
Për Balilin nuk ka mbërritur ende në Shqipëri ndonjë udhër arresti, ndërsa pala shqiptare ka dërguar letër porosi në Athine, për t’u njohur me veprat penale për të cilat ai thuhet se akuzohet në Greqi.
Policia nuk e gjeti 44-vjeçarin në shtëpinë e tij në Sarandë. Ai dyshohet se mund të ketë dalë jashtë Shqipërisë, në mënyre të paligjshme. Emri i tij nuk figuron në sistemin TIMS.
Dyshimet se Klemend Balili është drejtuesi i rrjetit të narkotrafikut, janë bërë shkak edhe për akuza politike në vend.
Ish-kryeministri Berisha e lidh atë me ish-deputetin Koço Kokëdhima, ndërsa ky i fundit tha se Balili është propozuar dhe emëruar në postin e drejtorit të Transporteve të Sarandes nga Lëvizja Socialiste për Integrim. /Tv Klan
