Jeta ka dashur që vëllezërit Mehmedi të kenë histori të ndryshme. Admiri është bërë futbollist i nivelit të lartë, ndërsa vëllai i tij i madh, Arsimi, është shofer autobusi.
Gazeta zvicerane Blick ka treguar një rrëfim interesant për vëllanë e heroit zviceran, Admir Mehmedit, Arsimin, i cili është shofer autobusi në Winthertur.
Arsimi ishte ulur afër ekipit kombëtar të shtunën e kaluar kundër Shqipërisë në stadiumin e Lensit, kur shefi e tij e mori në telefon dhe i dha lajmin negativ: “Arsim, unë nuk mund t’ju jap javën e ardhshme pushim, kështu që ju duhet të vini në punë”.
“Ishte ora 19:15 dhe isha në ndalesën e fundit në Rosenberg. Kisha një radio të pajisur me telefon dhe kështu provova të lidhem me ndeshjen”, deklaroi Arsimi. Ky ishte momenti kur Admiri godet dhe shënon. Ai barazon rezultatin në 1:1 dhe i jep shpresa Zvicrës.
“Kam bërtitur me zë të lartë. Udhëtarët ishin të habitur dhe më pyetën çfarë ndodhi. U thashë me krenari se vëllai im ka shënuar dhe të gjithë ishin të kënaqur me mua”, u përgjigj Arsimi me emocione.
“Ai është vëllai im i vetëm. Ne jemi të lidhur shumë, sepse ai gjithmonë më ka mbrojtur mua. Ai ka punuar shumë dhe ia ka arritur qëllimit. A jemi të ndryshëm? Ai luan futboll, kurse unë drejtoj autobusin”, përfundoi rrëfimin e tij për ‘Blick’.
